தேர்தல் வந்தாச்சு

தேராத மக்கள் எல்லாம் ஒன்று கூடி
தெருவோரம் இருந்தவனை தேர்வு செய்ய
தேர்தல் என்னும் தேர்வு எழுத வந்தோங்க !
ஒவ்வொரு முறை தேர்வு எழுதியும்
அரியர்ஸ் வச்ச மாணவன் போல்
ஒரே இடத்தில் இன்னும் இருக்கோங்க..!

நல்ல தலைவர் வருவாங்கனு நம்பி
குத்திக்கிட்டோமே கரும்புள்ளி !
நமக்கு ஒரு நல்ல காலம்
எப்போ வருமோ விடிவெள்ளி !

வெறுமையா இருந்த சுவரெல்லாம்
வண்ண மையமாக மாறுது !
கவர்ச்சி காட்டி நடித்த சிட்டுகள்
இப்போ சேலை கட்டி சீட்டு கேட்குது !

வருவான வரி குறைக்கிறேன்னு
ஒருத்தன் சொல்லுறான் !
ஈழ பிரச்சனை தீர்வு காண்போம்னு
ஒருத்தி சொல்லுறாள் !
வடக்கு பக்கம் போனா
ராமர் கோயில் கட்டுரதா சத்தியம் பண்ணுறான் !
இந்தியா உயர்த்தி காட்டுவேனு
சத்தமா சபதம் செய்யுறான் !

அடடா உங்க பாசமெல்லாம்
இத்தன நாளா எங்க ஒலிச்சு வச்சிங்க..!
தேர்தல் வந்தா மட்டும்
காவேரி, ஈழம் கண்ணுக்கு தெரியுதே !

தேராத மக்கள் எல்லாம் ஒன்று கூட போறோமே
இந்த முறையாவது பாஸ் மார்க் எடுப்போமா.... ?



தேர்தல் விழிப்புணர்வு வாசகங்கள்

ஈழ தமிழர்களுக்கு எதிராக
கொடுத்த ஆயுதங்களை திரும்ப பெறுவோம் !
நம்மிடம் உள்ள ஆயுதங்களை
தீவிரவாதிகளுக்கு எதிராக தாக்குதல் மூலம் காட்டுவோம் !