கிரடிட் கார்ட்

கந்துவட்டிக்காரனின் மறு உருவம் !
மார்வாடியின் அவதாரம் !
உங்களை கடனாலியாக்கி
பணக்காரர்களாவது தான் எங்கள் வியாபாரம் !

பெண் குரல் மூலம்
உங்களிடம் தொடர்பு கொள்வோம் !
பணம் தர மறுத்தால்
அவர்கள் வீட்டில் குண்டர்களை அனுப்புவோம் !

எமாந்தவர்கள் எங்கள் வாடிக்கையாளர்
சட்டம் தெரிந்தவர்கள் எங்கள் எதிரிகள் !

எங்களுக்கும், கர்நாடக மாநிலத்திற்கும்
ஒரு ஒற்றுமை உண்டு !
நீதி மன்ற தீர்ப்பை
மதிக்கும் பழக்கம் எங்களுக்கில்லை !!

எங்களுக்கும், 'அட்டை' பூச்சிக்கும்
சிறு வித்தியாசம்
அட்டை இரத்தத்தை உறிஞ்சும்
நாங்கள் பணத்தை உறிஞ்சுவோம் !!

கையெழுத்தால் அவர்களின்
தலையெழுத்தை மாற்றிய பெருமை எங்களுக்கு உண்டு !
கையெழுத்தை மாற்றி எழுதி
நாங்கள் ஏமாறப்பட்ட கதைகள் சில உண்டு !

நிபந்தனை ஏற்ப பயன்படுத்தினால்
சலுகைகள் மூலம் சொர்க்கத்தை காட்டுவோம்
மிறி நடப்பவர்களை கடன் அட்டையை
எமலோகத்தின் நுழைவு அட்டையாக மாற்றி கொடுப்போம் !

நானும் அலாவுதீன் விளக்கு ஒன்று தான்
தேய்க்க தேய்க்க…
பூதமும் வரும்
பூகம்பமும் வரும் !!


(5.4.09 அன்று நம் உரத்தசிந்தனை வெள்ளி விழாவில் சொன்ன கவிதை.)