கவுண்டமணி – செந்தில் நகைச்சுவை

செந்தில் இன்டர்வியூக்கு போறாரு. இன்டர்வியூ ப்பேனல்ல நம்ம கவுண்டமணி கேள்வி கேட்டா எப்படி இருக்கும்...

செந்தில் : உள்ள வரலம்மா...?
கவுண்டமணி : அதான் வந்துட்டல.... அப்புறம் என்ன கேள்வி...

செந்தில் : அண்ணே... நீங்களா அண்ணே...
கவுண்டமணி : யாருடா நீ..??

செந்தில் : என்ன தெரிய... நான் பேச்சிமுத்து பேரன் ..
கவுண்டமணி : ஞாபகம் வரல...

செந்தில் : நீங்க கூட என்ன அப்போ அப்போ எட்டி உதைபிங்க அண்ணே...
கவுண்டமணி : அட கொக்கா மக்கா நீயா... இங்கயும் வந்துடியா...

செந்தில் : இன்டர்வியூ எடுங்கண்ணே...
கவுண்டமணி : டேய்... கடையில துணி எடுங்க னுற மாதிரி கேக்குற... சரி உன் வயசுக்கு தகுந்த மாதிரி கேக்குறேன்.... ஆமா உன் வயசு என்ன...?

செந்தில் கை விரலை எண் ணிக் கொண்டு இருக்கிறான். அதன் பிறகு…

செந்தில் : ம்ம்.... 32 வயது ஆகுது அண்ணே...

கவுண்டமணி : (சற்று வித்தியாசமான பார்வையில் ) உன் ஹைட் என்ன...?

செந்தில் : இருங்க ஒரு நிமிஷம்...
கவுண்டமணி : டாய் நா தாரி பயலே... என்னடா பண்ணுற...

செந்தில் : இருங்க அண்ணே...
செந்தில் இன்ச் டேப் வைத்து தன் உயரத்தை அளக்கிறான் .

செந்தில் : 5 அடி 3 அங்குளம் அண்ணே..
கவுண்டமணி : சானி தலையா... திட்டி திட்டி உன் பெயரே மறந்து போச்சு...

செந்தில் மனதுக்குள் பாட்டு பாடி கொண்டு இருக்கிறான். அதன் பிறகு...

செந்தில் : என் பேரு செந்தில் அண்ணே...
கவுண்டமணி : டாய்... உன் பெயர சொல்றதுக்கு எவ்வளவு நேரம்மா... அப்படி மனசுக்குள்ள என்னடா பேசிகிட்ட...

செந்தில் : பாட்டு பாடி பார்தேன் அண்ணே..
கவுண்டமணி : கொயாலா... இன்டர்வியூவுக்கு வந்து பாடி பார்த்தியா... என்னடா பாட்டு...

செந்தில் : ஹெப்பி பர்த்து டே டூ யூ.... ஹெப்பி பர்த்து டே டூ யூ. ஹெப்பி பர்த்து டே டூ செந்தில்... ஹெப்பி பர்த்து டே டூ யூ... பாடுனேன்...
கவுண்டமணி : டேய்... எனக்கு வேலைய போனாலும் பரவயில்ல... உன்ன மிதிக்காம விட மாட்டேன்...

( பின்குறிப்பு : ஆங்கில நகைச்சுவையை தழுவி கொஞ்சம் என் கற்பனையும் சேர்த்து எழுதியிருக்கிறேன். இது ஒரு நகைச்சுவையா என்று உங்களுக்கு தோன்றலாம். 'குண்டக்க - மண்டக்க' படித்த ஒரு அன்பு வாசகர் “கவுண்டமணி – செந்தில்' வைத்து ஒரு காமெடி எழுதுங்கனு “ கேட்டுக் கொண்டார். அதன் முயற்சியே இந்த நகைச்சுவை. வடிவேலுவை வைத்து சோலோவாக கூட காமெடி பண்ணலாம். 'கவுண்டமணி - செந்தில்' வைத்து காமெடி பண்ண கொஞ்சம் கஷ்டம் என்பதை இந்த நகைச்சுவை எழுத தொடங்கும் போது புரிந்துக் கொண்டேன்.

நான் எழுதியதை நானே நிராகரித்தால் எப்படி....? அதான் பதிவில் ஏற்றிவிட்டேன். )