இஞ்ஜினியரிங்...எது படிக்கலாம் ???

திருஷா, நயந்தாரா, ஸ்னேகா, நமீதா போன்ற அழகுள்ள நான்கு பெண்கள் உங்களை திருமணம் செய்து கொள்ள கேட்டால், எந்த பெண்ணை தேர்வு செய்வீர்கள். உங்களுக்கு பிடித்த பெண்ணை சொல்லுவதறு கொஞ்சம் நேரம் எடுத்துக் கொள்வீர்கள். ஒவ்வொரு பெண்ணிலும் ப்ளஸ் எது ? மைனஸ் எது ? யோசிப்பீர்கள். மற்றவர் 'ஸ்னேகா' என்று கருத்து சொன்னாலும் நம் மனம் 'நமீதா' என்று சொல்லும். இதற்கு, பதில் சொல்ல எவ்வளவு யோசிப்பார்களா +2 படித்து முடித்த மாணவன் எந்த பொறியியல் படிப்பு படிக்க வேண்டும் என்பதையும் அதிகம் யோசிக்க வேண்டும்.

படிப்பை தேர்ந்தெடுப்பதும் வாழ்க்கை துணையை தேர்வு செய்வது போல தான். அதை வைத்து தான் நமக்கு வேலை, சம்பளம், சமூகத்தில் மரியாதை எல்லாமே !

பொறியியலில் Chemical, Civil, Electrical போன்ற பிரிவுக்கு என்று மதிப்பு உண்டு. இருபது வருடம் முன்பு பொறியியலில் இந்த மூன்று பிரிவு மட்டும் தான் இருந்தன. ஆனால், Computer, Marine, Aeronautics என்று பல எஞ்ஜுனியரிங் படிப்புகள் வந்து விட்டன. கண்டிப்பாக இதில் எது படிக்க வேண்டும் என்ற குழப்பம் பல மாணவர்களுக்கு இருக்கும். பெற்றோர்களும் தங்கள் சொந்தத்தில் இருப்பவர்கள் படித்த படிப்பை விசாரித்து அதையே தங்கள் பெண்ணை, மகனை படிக்க சொல்லுவார்கள். எந்த யோசனை இல்லாதவர்களும் பெற்றோர்கள் சொன்னப்படி கேட்பார்கள். வீட்டுக்கு பக்கத்தில் இருப்பவர், தம்பி ! இந்த படிப்பு படி. நல்ல எதிர்காலம் இருக்கு. உனக்கு நான் வேலை வாங்கி தரேன்.' என்பார். உறவினர், ' பாரும்மா ! இன்னைக்கு கம்யூட்டர் படிச்சா வெளிநாட்டு வேலை கிடைக்கும். அது படி !'.

எந்த துறையை விரும்பமாக உங்களுக்கு உள்ளதோ அந்த துறை படித்தவர்களிடம் கேளுங்கள். ப்ளஸ், மைனஸ் பார்த்து நமக்கு எது ஏற்றதாக இருக்கும் யோசித்து சேருங்கள். முதல் வருடம் Electrical Engg. படித்த மாணவன் பெரிய ஆளை பிடித்து அதே கல்லூரியில் இரண்டாவது வருடம் Computer Engg வகுப்பு வந்தான். மூன்றாவது வருடம், 'I.T. down' என்ற செய்தி கேட்டவுடன் 'பேசாமல் நாம Electrical லே படிச்சிருக்கலாம்' தோணும், இன்னொருன் " போடா.. Circut theory படிச்சு அரியர் வைக்கிறதுக்கு, 'கம்யூட்டரே பெஸ்ட். என்று சக மாணவன் சொல்லுவான்.

படிப்பில் எதுவுமே வேஸ்ட் என்பது கிடையாது. பலர் 'பெஸ்ட்' என்று சொல்லுவது அதில் சம்பாதிக்கும் பணத்தை வைத்து தான். எந்த படிப்பு படித்து ஒரு நிறுவனத்தில் வேலை செய்தாலும், நாம் முன்னேற முன்னேற சம்பளம் அதிகமாகும். இது எல்லா படிப்புக்கு பொருந்தும்.

திருஷா, நயந்தாரா, ஸ்னேகா, நமீதா - இதில் யார் உங்களுக்கு யார் பிடிக்கும் என்பதை நீங்கள் தான் சொல்ல வேண்டும். அடுத்தவர்கள் அல்ல....!!

--

பிரபல வார இதழுக்காக எழுதிய கட்டுரை. பிரசுரமாகததால் பதிவெற்றிவிட்டேன் :(

சிட்டி பேங்க் CEO வுக்கு ‘ஜே’ முன் உதாரணம் ! ஓபாமா வைத்த ‘ஆப்பு’ !!

வெள்ளி மதியம் (13.2.09) சாப்பிடும் போது என் செல்போனில் ஒரு செய்தி வந்தது. சிட்டி பேங்க் 'CEO' விக்ரம் பன்டிட் இனி தான் ஒரு டாலர் மட்டும் சம்பளமாக வாங்க முடிவு எடுத்திருக்கிறார்.

அமெரிக்காவில் நிலவி வரும் பொருளாதார வீழ்ச்சியால் பல நிறுவனங்கள், வங்கிகள் நஷ்டத்தில் இயங்கி வருகிறது. இந்த பொருளாதார வீழ்ச்சியால் சிட்டி பேங்க் பெரிதும் பாதிக்க பட்டுள்ளது. தங்களுடைய 'BPO' நிறுவனமான 'e-serve' வை நடத்த முடியாமல் 'TCS' நிறுவனத்துக்கு விறுதை பலருக்கு நினைவிருக்கும். மார்ச் நிதி ஆண்டில் பல கோடி நஷ்டத்தை காட்ட வேண்டியது இருக்கும் என்பதை உணர்ந்த விக்ரம் பன்டிட், தன் வங்கி லாபம் கிடைக்கும் வரை தான் ஒரு டாலர் சம்பளம் வாங்க போவதாக அறிவித்துள்ளார்.

இதை என் அலுவலக நண்பனிடம் கூறிய போது, "இது என்ன பெரிய விஷயம். நம்ப ஜே ஒரு ரூபாய் சம்பளம் வாங்களையா...." என்று சிரித்துக் கொண்டு கூறினார். ஒரு நிறுவனத்தின் தலைமை பொறுப்பில் இருப்பவர் எடுத்திருக்கும் முடிவை நம் அரசியலோடு முடிச்சு போட்டதை நினைத்து எனக்கு சிரிப்பு தான் வந்தது.

விக்ரம் பன்டிட் இந்த முடிவு அரசியல் தந்திரம் கொண்டதாக கூட இருக்கலாம். தலைமையில் இருப்பவரே ஒரு டாலர் சம்பளம் வாங்கும் போது ஊழியர்கள் குறைக்கும் அடுத்த நடவடிக்கைக்கு எந்த பிரச்சனை வராமல் தடுக்க கூட இருக்கலாம்.

******

நேற்று முன் தினம் (15.2.09), ஒபாமா அமெரிக்க இந்தியர்களுக்கு 'ஆப்பு' வைப்பது போல் ஒரு அறிவிப்பு கொடுத்துள்ளார்.

அரசிடம் நிதி உதவி பணம் வாங்கிய எல்லா நிறுவனங்களும் வெளிநாட்டவர்களை (எச்-1பி விசாவில் வேலை செய்பவர்கள்) வேலையில் அமர்த்த கூடாது என்று நிபந்தனை போட்டுள்ளார். வெளிநாட்டில் இயங்கும் அமெரிக்க நிறுவனங்களுக்கு அதிக வரி கொடுக்க வேண்டும் என்று அறிவித்துள்ளார். இந்த நிபந்தனைக்கு முழுமையாக ஒப்புக்கொண்டு, நிதியைப் பெற்றுக் கொண்டுள்ள அமெரிக்க நிறுவனங்கள், ஒட்டுமொத்தமாக இப்போது ஒரு அறிவிப்பை வெளியிட்டுள்ளன.

“இனி அடுத்த இரு ஆண்டுகளுக்கு எச்-1பி விசாவில் யாரையும் வேலைக்கு அமர்த்த மாட்டோம்” என அமெரிக்க அரசிடம் நிதி உதவி பெற்றுள்ள பெரிய நிறுவனங்கள் அனைத்தும் அறிவித்துவிட்டன.

இந்த எச்1பி விசாவில் அதிகம் பணி நியமனம் பெறுவோர் இந்தியர்களாகவே இருந்தனர். இதனால் ஒரு லட்ச இந்தியர்களுக்கு வேலை போக வாய்ப்புள்ளது. அது மட்டுமில்லாமல் அமெரிக்காவில் இருந்து இந்தியா கிடைத்துக் கொண்டு இருக்கும் BPO வேலைகளுக்கும் பாதிக்கப்படலாம். மார்ச் மாதத்திற்கு மேல் நிலைமை மோசமாகும் என்பது நன்றாக தெரிகிறது.

இந்த வருஷம் ஆரம்பமே சரியில்லை.

ஐ.டி ஊழியர்கள் ஹோட்டலில் வேலை செய்தால் ?

ஐ.டி ஊழியர்கள் ஹோட்டலில் வேலை செய்தால் எப்படி இருக்கும் என்று ஒரு சின்ன கற்பனை...

முதலாளி : மாஸ்டர் ! நம்ம ஹோட்டலுக்கு கஸ்டமர்ஸ் அதிகமா வரதுக்கு ஐ.டி கம்பேனியில வேலை செஞ்சவங்கள கூப்பிட்டு வந்திருக்கேன். அவங்கள வச்சி வேலை வாங்குறது உங்க பொறுப்பு...!

சரக்கு மாஸ்டர் : கவலைய விடுங்க... நம்ப ஹோட்டல் சேல்ஸ் எப்படி பிச்சிக்கிட்டு போகுது பாருங்க...

முதலாளி : சரி ! நான் போய்ட்டு சாய்ங்காலம் வரேன்..

மாஸ்டர் ஒருவரிடன் சென்று....

மாஸ்டர் : ஐ.டி. கம்பேனியில என்னவா இருந்தீங்க...
அவன் : நான் PM ஆ இருந்தேன்..

மாஸ்டர் : என்னது Prime Minister ராவா...????
அவன் : இல்லைங்க.... Project Manager ரா இருந்தேன்.

மாஸ்டர் : அப்படி முழுசா சொல்லு.... சூப்பர்வைசர் வேலை தானே....
PM : இல்லைங்க... வேலை செய்யுறதுக்கு எத்தன பேரு வேணும், எவ்வளவு நேரம் எடுக்கும்னு ப்ளான் போட்டு கொடுத்து... அவங்க வேலை செய்யுறத கவனிக்குற வேலைங்க....

மாஸ்டர் : அதுதான்.... சூப்பர்வைசர் வேலை...
PM : நாங்க ப்ளான் போட்டு.... அதுக்கு தகுந்தா மாதிரி மத்தவங்கள வேலை செய்ய சொல்லுவேன்.

மாஸ்டர் : நாங்களும் திட்டம் போடுவோம். ஒரு நாளைக்கு எத்தன பேரு வருவாங்க..வந்தவங்க கணக்கு ஜாஸ்தியான எப்படி சமாளிக்கனும். காய்கறி வெட்டுறதுக்கு எத்தன பேரு. நல்லா சமைக்கிறாங்களா.... இப்படி திட்டம் போட்டு தான் சமைக்கவே ஆரம்பிப்போம்.

PM : இது பேரு தான் ப்ளானிங்....
மாஸ்டர் : அடபாவி.... நாங்க எல்லாம் ப்ளான் பண்ணி எல்லா வேலையும் செய்யுறோம். ப்ளான் மட்டும் பண்ணுறத்க்கு தனி ஆளுக்கு இவ்வளவு சம்பளம் கொடுத்திட்டு இருக்காங்க...

ப்ராஜக்ட் மேனேஜரிடம் பேசிய பிறகு மாஸ்டர் கிட்சனுக்கு சென்றார். அங்கு ஒரு டெவலப்பர் நீண்ட நேரமாக சமைத்துக் கொண்டு இருந்தான்.

மாஸ்டர் : தம்பி... இத்தன நேரமா சமைக்காம கம்ப்யூட்டர்ல என்ன பண்ணுற....
டெவலப்பர் : சாம்பார் ரொம்ப சப்புனு இருக்கு. என்ன பண்ணனும்னு கூகுல் அடிச்சு பார்த்திட்டு இருக்கேன்.

மாஸ்டர் : சப்புனு இருந்தா உப்பு போடு... கூகுல் வந்து என்னடா பண்ண போது....
டெவலப்பர் : யாராவது சாம்பார் வச்சிருந்தா.... டௌன்லோட் பண்ணி கொஞ்சம் மாத்தி கொடுக்கலாம்னு நினைச்சேன்,

மாஸ்டர் : விட்டா அடுப்பு பத்த வைக்கிறது கூட கூகுள் அடிச்சு பார்ப்ப போலிருக்கு....

இவனிடம் பேசி வேலைக்காகது என்று அந்த இடத்தை விட்டு நகர்ந்தார். ஒருவன் எல்லா சாப்பாட்டையும் உற்று பார்த்து கொண்டு இருப்பதை கவனித்தான்.

மாஸ்டர் : நீ என்னவா இருக்க....?
அவன் : டெஸ்டரா இருக்கேன்.

மாஸ்டர் : ஏன் எல்லா சாப்பாட்ட பார்த்திட்டு இருக்க...
டெஸ்டர் : கலர் பார்க்குறேன்.

மாஸ்டர் : எதுக்கு...??
டெஸ்டர் : இத Sanity Testingனு சொல்லுவாங்க...

அந்த டெஸ்டர் சாம்பரை சுவைத்து பார்த்தான்.

மாஸ்டர் : இதுக்கு என்ன பேரு....??
டெஸ்டர் : Functional Testingனு சொல்லுவோம். சாம்பர்ல உப்பு கொஞ்சம் ஜாஸ்தியா இருக்கு...

டெவலப்பர் : நான் சரியா தான் போட்டேன்.
டெஸ்டர் : நீ சாப்பிட்டு பாரு... உப்பு எவ்வளவு ஜாஸ்தினு....

மாஸ்டர் : சரி...சரி... உங்க சண்டைய விடுங்க... நான் சரி பண்ணுறேன்.

சாம்பாரில் உப்பு அதிகமாக இருப்பதை உணர்ந்த மாஸ்டர் கொஞ்சம் பருப்பு போட்டு சாம்பாரில் இருக்கும் உப்பை சரி செய்கிறார். இப்போது, டெஸ்டர் ரசத்தை ருசித்து பார்க்கிறான்.

டெஸ்டர் : ரொம்ப காரம்மா இருக்கு...

மாஸ்டர் தண்ணீர் ஊற்றி சரி செய்கிறார்.
டெஸ்டர் : இப்ப நல்லா இருக்கு...

டெஸ்டர் மீண்டும் சாம்பரை சுவைத்து பார்க்கிறான்.

மாஸ்டர் : எதுக்கு மறுபடியும் சாம்பார டேஸ்ட் பண்ணுற...
டெஸ்டர் : இத நாங்க Regression Testingனு சொல்லுவோம்.

மாஸ்டர் : அடபாவி.... டெஸ்டிங் பண்ணுறனு சொல்லி பாதி சாம்பர், ரசத்த சாப்பிடியடா....

மாலையானதும் முதலாளி வந்து கல்லாவை பார்க்கிறார். ஒரு பைசா கூட இல்லாமல் காலியாக இருந்தது.

முதலாளி : என்ன மாஸ்டர் ! கஸ்டமர் யாரும் வரலையா....
மாஸ்டர் : இன்னும் சமையல முடிக்கலைங்க.... டெஸ்டர் மட்டும் அண்டா அண்டாவா சாம்பர், ரசம் குடிச்சிட்டான்.

ஹோட்டல் முதலாளி ஸ்வீட் செய்திருப்பதை பார்க்கிறார்.

முதலாளி : ஸ்வீட் இருக்குல... அது ஏன் கட முன்னாடி வைக்கல....?
மாஸ்டர் : ஸ்வீட் பொறுப்ப... 'SQA' கிட்ட கொடுத்தேன். கொஞ்சம் இனிப்பு கம்மியா இருக்குனு சொல்லி.... கடைசி வரைக்கும் எந்த ஸ்வீட்டையும் கஸ்டம்மர் கண்ணுல காட்டாம உள்ளையே வச்சிட்டு இருந்தாங்க...

முதலாளி : $$@#$@##$

( ஐ.டி ஊழியர்கள் யாரும் என்னை திட்ட வேண்டாம். நானும் ஒரு ஐ.டி. ஊழியன் (SQA) என்பதை இவ்விடத்தில் தெரிவித்துக் கொள்கிறேன். )

முதலில் சத்யம்.. அடுத்து விப்ரோ

உலக வங்கி நிறுவனம் எட்டு வருடங்களுக்கு சத்யம் சேவையை தூண்டிப்பதாக அறிவித்திருந்தன. இதை அடுத்து, மேடாஸ் நிறுவனம் விவகாரம், கணக்கு மோசடி, ராமலிங்க ராஜூ வாக்குமூலம் என்று சத்யம் நிறுவனத்திற்கு எதிராக பல செய்திகள் நாளேடு வணிக பக்கங்களை நிரப்பிக் கொண்டு இருக்கிறது. இதை அடுத்து இன்று, உலக வங்கி நிறுவனம் ‘விப்ரோ’ நிறுவனத்தின் சேவை நான்கு வருடம் நிறுத்தி வைப்பதாக அறிவித்துள்ளது. இந்த செய்தி ஐ.டி நிறுவனங்களுக்கு மேலும் அதிருப்தி ஏற்படுத்தியுள்ளது.

உலக வங்கியிடம் வணிகம் செய்யும் எந்த நிறுவனமும் அதன் வங்கி ஊழியர்களுக்கு தனிபட்ட முறையில் பரிசு, அன்பளிப்பு, பணம் என்று எதுவும் கொடுக்க கூடாது. அப்படி கொடுத்தால் அந்த வங்கி நீதிப்படி ‘லஞ்சம் கொடுப்பது போல்’ ஆகும். விப்ரோ நிறுவனம் தங்கள் பங்குகளை குறைந்த விலையில் உலக வங்கி ஊழியர்களுக்கு விற்றுள்ளது. இதனால் உலக வங்கி விப்ரோ நிறுவனத்தின் சேவை உறவை தூண்டித்துள்ளது. இதே போல் மேகா ஸ்பாட் என்று இன்னொரு நிறுவனத்தின் உறவையும் நான்கு ஆண்டு தூண்டித்துள்ளது.
மேகா ஸ்பாட் நிறுவனம் உலக வங்கி வணிகம் செய்யும் அதே துறையில் கால் பதிக்க உள்ளதால், மேகா ஸ்டாப் நிறுவனத்தை போட்டி நிறுவனமாக கருதி உறவை முடித்துள்ளனர். உலக வங்கியின் இந்த அதிரடி முடிவால் விப்ரோவின் பங்குகள் 10 சதவீதமும், மேகா ஸாப்ட் பங்குகள் 8 சதவீதம் இறங்கியுள்ளது.

சத்யம் விவகாரம் முதலில் தொடங்கி வைத்தவர் 'உலக வங்கி' என்பது குறிப்பிடதக்கது. உலக வங்கி முடிவுக்கு பிறகு தான் சத்யம் நிறுவனத்துக்கு அடி மேல் அடி விழுந்தது. இப்போது உலக வங்கி இதே முடிவை விப்ரோ நிறுவனத்துக்கு எதிராக எடுத்திருப்பதால் ஐ.டி. துறையில் மேலும் தள்ளாட்டம் ஏற்ப்பட்டுள்ளது.

அது மட்டுமில்லாமல், உலக வங்கி உறவு முடித்துள்ள இந்த மூன்று நிறுவனங்களுமே இந்திய நிறுவனங்கள் என்பதால் இந்திய நிறுவனங்களுக்கு இன்னொரு கருப்பு புள்ளியாக இருக்குமோ என்ற அச்சம் நிலவுகிறது. இன்னும் என்ன நடக்க போகிறதோ என்று பொருத்து இருந்து தான் பார்க்க வேண்டும்.

கை மாறிய சத்யம் நிறுவனம்

இரண்டு, மூன்று நாட்களாக முழு பக்க கட்டுரையாக வந்த 'சத்யம்' ராமலிங்க ராஜூ விவகாரம், ஒரு வழியாக கைது செய்யப்பட்டு முடிவுக்கு வந்துள்ளது. எந்த நிறுவனமும் சத்யம் நிறுவனத்தை வாங்க முன் வராததால், மத்திய அரசு கட்டுப்பாட்டு கீழ் வந்துள்ளன. . பத்து போர்ட் மெம்பர்ஸ் பதவியில் இருந்து நீக்கப்பட்டுள்ளனர். இந்த செய்தி எப்படியும் நாளைய நாளிதழில், வாரயிதழில் வரும் (நாளடைவில் இது பெட்டி செய்தியாக மாறும்.) இன்று Times of India படித்த இரண்டு விஷயங்களை பற்றி சொல்லியாக வேண்டும். முதல் விஷயம் என் மனதை நெருடியது. அடுத்த விஷயம் அதிர்ச்சி உள்ளாக்கியது.

ஐ.டி துறையில் யூனியன் இருந்தால் இந்த பிரச்சனை வராமல் இருந்திருக்கும் என்று பலர் பேட்டி அளித்துக் கொண்டு இருக்கிறார்கள். ஒரு வேளை யூனியன் இருந்திருந்தால், நிறுவனம் நஷ்டப்பட்டாலும் தங்களுக்கு மாத சம்பளம் வேண்டும் என்று எல்லா ஊழியர்களும் வேலை நிறுத்தத்தில் இறங்கி இருப்பார்கள். ஆனால், சத்யம் விஷயத்தில் அந்த நிறுவனத்தின் ஊழியர்கள் அப்படி எதுவும் நடந்துக் கொள்ளவில்லை.


நேற்று, ஹைதிராபாத்தில் சத்யம் ஊழியர்கள் நிறுவனத்தின் முன்பு ‘Spirit of Satyam’ என்று வண்ண நிறங்களாலும், பேனாவாலும் கையெழுத்து போட்டனர். ஒரு நிறுவனம் வீழ்ச்சி காணும் நிலையில் அந்த நிறுவனத்தின் ஊழியர்கள் மேலும் தொந்தரவு கொடுக்காமல் ‘துணையாக இருப்போம்’ என்று கூறுவதை பார்க்கும் போது மெய் சிலிர்க்க வைக்கிறது. (15,000 பேர் வெளியில் வேலை தேடிக் கொண்டு இருக்கிறார்கள் என்பது வேறு விஷயம். தேடினாலும் வேலை கிடைக்க வேண்டுமே...!)

இது வரை வந்த செய்தி, ஊழியர்களின் சம்பளத்தை குறைப்பது போல் எந்த பேச்சு வார்த்தையும் நடக்கவில்லை. இரண்டு மாதம் சம்பளம் கொடுக்க முடியாத நிலையில் நிறுவனம் இருக்கிறது. இதை எப்படி எதிர்கொள்ள போகிறார்கள் என்பது தெரியவில்லை. மீண்டும் 'சத்யம்' துடித்து எழுந்தால், 'இந்த கஷ்டத்தில் ஆதரவாய் இருந்த ஊழியர்களுக்கு நிச்சயமாக அதிக பங்கு இருக்கும்.

‘Spirit of Satyam’ மனதை நெருடிய செய்தியை படிக்கும் போது இன்னொரு செய்தியையும் படித்தேன். செப்டம்பர் 30,2008 முடிவில் சத்யமின் மொத்தம் ஊழியர்கள் 52,865. ஆனால், நேற்று வரை(ஜனவரி,2009) சத்யம் ஊழியர்கள் எண்ணிக்கை 47,570 பேர்கள். அதுவும் வெளியே துரத்தப்பட்ட ஊழியர்கள், தானாக வேலையை விட்டு சென்ற ஊழியர்கள் தகவல்கள் சரியாக டேடா பேஸ்யில் இல்லை என்பது தான். வங்கி கணக்குகள் ஊழியர்கள் பெயரில் இருக்கிறது. ஆனால், அந்த ஊழியர் அந்த நிறுவனத்தை விட்டு சென்று விட்டார் என்கிறார்கள். பெரும்பாலான ஊழியர்கள் கொத்தாக சென்றதால், அவர்களில் தகவல்கள் சரியான முறையில் அப்டேட் (update) செய்ய முடியவில்லை.

மேடாஸ் விவகாரத்தில் 30% வீழ்ச்சி, முக்கிய வாடிக்கையாளர் உலக வங்கி கொடுத்த புகார், ராமலிங்க ராஜூவின் வாக்குமுலத்தின் 78% வீழ்ச்சி என்று தினமும் எதாவது ஒரு அதிர்ச்சியான தகவல் சத்யம் நிறுவனத்திற்கும், ஊழியர்களுக்கும் வருகிறது. ஜனவரி 7 அன்று புதன்கிழமை நிஃப்டி 700 புள்ளிகள் வீழ்ச்சிக்கு சத்யம் பங்குகள் இருந்ததால், ஜனவரி 12 முதல் சத்யம் நிறுவனம் நிஃப்டியில் இருந்து விலக்கப்படுகிறது. சத்யம் பங்குகளை வாங்கியவர்கள் இது வரை 13,000 கோடி இழந்துள்ளார்கள்.

கை மாறிய சத்யம், ஊழியர்களுக்கு மத்திய அரசு என்ன செய்ய போகிறது என்று பொருத்திருந்து தான் பார்க்க வேண்டும். ‘துணையாக இருப்போம்’ என்று கூறிய ஊழியர்களுக்கு மத்திய அரசும் துணையாக இருக்க வேண்டும் என்பது தான் எல்லோருடைய விருப்பமாக இருக்கும்.

எங்கு போகிறது சத்யம் நிறுவனம் ?

கல்லூரியில் இறுதி ஆண்டு படிக்கும் மாணவர்களிடம் அவர்களுடைய டிரீம் கம்பேனியை (கனவு நிறுவனம்) பற்றி கேட்டால் அவர்கள் கூறும் பதில் ‘Infosys, TCS, Satyam’. இந்த பதிலை கேட்கும் போது ரொம்ப பெருமையாக இருக்கும். காரணம், இந்த மூன்றுமே இந்திய நிறுவனங்கள் என்பதால் தான். ஆனால், இன்று ராமலிங்க ராஜூவின் ராஜினாமாவும், பல ஆண்டுகள் நடந்த மோசடிகளும் அதில் வேலை செய்யும் 50,000 ஊழிகளின் வாழ்க்கை கேள்வி குறியாக்கியுள்ளது.

நெற்று 178 ரூபாய் இருந்த சத்யம் பங்கு இன்று நாற்பது ரூபாயாக உள்ளது. அவரது சகோதரின் முன்னால் நிறுவனமான சிஃபி பங்குகள் கூட உலக பங்கு சந்தையில் வீழ்ச்சியை கண்டது. ஒரு மாதமோ அல்லது இரண்டு மாதமோ மீண்டும் அதன் பங்கு ஏறலாம். முதலீட்டாளர்களுக்கு லாபம் வரலாம். ஆனால், அங்கு வேலை செய்பவர்கள் நிலை பற்றி யாரும் கவலைப்பட்டதாக தெரியவில்லை. எந்த பதிவுகளும் அவர்களுக்காக வருத்தம் கூட தெரியவில்லை. இப்போது இருக்கும் பொருளாதார சூழ்நிலையில் அவர்களுக்கு வேலை போனால் பல பேரின் வாழ்க்கை என்னாகும், அவர்கள் வேலைக்கு பாதுகாப்பு உள்ளதா என்று எந்த ஊடகமும் செய்தி தரவில்லை.

இரண்டு மாதங்களாக சத்யம் ஊழியர்களை எப்படி வேலையில் இருந்து விரட்டி அடிக்கப்பட்டார்கள் என்று பலருக்கு தெரியாது. Dress Code அடிப்படையில் நூற்றுக்கு மேற்ப்பட்டவர்கள் வேலையில் இருந்து வீட்டுக்கு அனுப்பினர். ஷூ போடாமல் அலுவலகத்திற்கு வருவது, ஷர்ட்டை டக் இன் செய்யாமல் இருப்பது, அரை மணி நேரம் காலதாமதம் போன்ற விஷயங்களை பெரிதாக்கி வேலையை விட்டு போக சொன்னார்கள். மதியம் 2 மணிக்கு தனிப்பட்ட முறையில், ஒரு ஊழியருக்கு ஹெச்.ஆரிடம் இருந்து போன் வரும், 'மாலை 5 மணிக்குள் வேலையை விட்டு போகவில்லை என்றால் உன்னை வேலையை விட்டு அனுப்பிவிடுவோம் (Termination)' என்று மிரட்டுவர்.

Termination கொடுத்து விட்டால் எந்த நிறுவனத்திற்கு சென்று வேலை வாங்க முடியாது. அதனால், தங்கள் பயம் காரணமாகவே பல சத்யம் ஊழியர்கள் வேலையை விட்டு சென்றனர். வேலையில்லாமல் சத்யம் நிறுவனத்தில் இருப்பவர்களின் நிலை இன்று வரை இது தான். எந்த நேரமும் தங்களுக்கு ஹெச்.ஆரிடம் இருந்து இப்படி ஒரு போன் வரலாம் என்ற பயத்தில் தான் அங்கு வேலை செய்கிறார்கள்.

மிக அமைதியாக பத்திரிக்கைகளுக்கு தெரியாமல், தொலைக்காட்சி மீடியாவை ஏமாற்றி தனது ஊழியர்களை வேலையை விட்டு அனுப்பிய சத்யம் நிறுவனத்தின் உரிமையாளர் ராமலிங்க ராஜூ "எல்லா பணத்தை என் நிறுவனத்தின் ஊழியர்களுக்காக செலவு செய்தேன். அதில் இருந்து ஒரு பைசா கூட நான், என் உறவினர்கள் எடுக்கவில்லை” என்று கூறுகிறார். தனது நிறுவனம் நஷ்டத்தில் இருப்பதாக இருந்தால் வளர்ந்த நிறுவனத்தோடு தங்களை இணைத்துக் (M&A) கொண்டு இருக்கலாம். பொய்யான லாபத்தை காட்டி சத்யம் பங்குகளின் விலையை உயர்த்தி மக்கள் பணத்தை ஏன் ஏப்பம் விட வேண்டும்? இனி தவறு மறைக்க முடியாத நிலையில் "ஊழியர்களின் பெயரை சொல்லி கருணை சம்பாதிக்க பார்க்கிறார்”. தன் தவறு தனது ஊழியர்களிடம் இருந்து ஆதரவு எதிர்பார்க்கிறார்.

தனது நிறுவனம் செய்த மோசடிக்கு யாரூக்கு சம்மந்தமில்லை என்பது எல்லோர் காதிலும் (செஃபி உட்பட) பூ சுத்துவது போல் தனது ராஜினாமா கடிதத்தில் ஒன்று குறிப்பிடுயிருந்தார். தன் நிறுவனத்தில் நடந்த மோசடி எந்த போர்ட் மெம்பர்ஸ்க்கும் தெரியாது என்று கூறியுள்ளார். சத்யம் ஆடிட் செய்த ஆடிட்டர்கள், போர்ட் மெம்பர்ஸ் எல்லோருக்கும் இதில் கண்டிப்பாக பங்கு இருக்க வேண்டும். மாதம் சம்பளம் வாங்கும் நாமே வீட்டு வரவு, செல்வை பார்க்கும் போது கோடி கணக்கில் முதலீட்டு செய்த போர்ட் மெம்பர்ஸ் ஆண்டு நிதி கணக்கை பார்க்காமல் கையெழுத்து போட்டிருக்கிறார்கள் என்பது மிக அபத்தமாக உள்ளது. படிக்காத பாமரன் கூட எவ்வளவு செலவானது என்று கேள்வி கேட்பான். அந்த கேள்வி கூட கேட்க தெரியாதவர்கள் போர்ட் மெம்பர்ஸ்யில் இருக்கிறார்களா ? அல்லது கேள்வி கேட்காதவர்களை போர்ட் மெம்பர்ஸாக வைத்திருக்கிறார்களா ? என்று புரியவில்லை.

சிறு முதலீட்டாளர்கள் சார்பில் கேள்வி கேட்க வேண்டிய சுதந்திர போர்ட் இயக்குநர் (Independent Board Director) சில நாட்களுக்கு முன்பு தான் தன் வேலையை ராஜினாமா செய்தார். பல ஆண்டுகள் நடந்த மோசடியை கேள்வியை கேட்காமல் அமைதியாக இருந்தவர், திடீர் நல்லவன் போல் சத்யம் விட்டு ஒதுங்கிய அந்த Independent Board Director மீதும் தவறு இருக்கிறது.

இப்படி சத்யம் நிறுவனத்தில் பல பேர்களுக்கு பங்கு உண்டு என்பது தெளிவாக புரிக்கிறது. ஆனால், ராமலிங்க ராஜூ தன் மீது தவறை சுமத்திக் கொண்டு மற்றவர்களை காப்பாற்ற நினைக்கிறார். சத்யம் நிறுவனத்தின் மோசடியால் உலக வர்த்தக பார்வையில் இந்திய ஐ.டி நிறுவனங்களின் நேர்மையை சந்தேகிக்கும் அளவிற்கு கொண்டு சென்றுள்ளது.

முதலீட்டாளார்களின் பணத்திற்கு செஃபி தலையிட்டு ஒரு தீர்வு காணும். சத்யம் நிறுவனத்தை வாங்க வேறு ஒரு நிறுவனம் முன் வரும். ஆனால், அங்கு வேலை செய்பவர்களுக்கு வேலை போனால்...... இன்னும் வேலையில்லாத திண்டாட்டம் அதிகமாகும். பண மோசடி போன்ற போன்ற பிரச்சனை வரமால் செஃபி எடுக்கும் நடவடிக்கை ஒரு பக்கம் இருக்கட்டும். வேலையில்லாத திண்டாட்டம் வரமால் இருக்க என்ன செய்ய போகிறார்கள் ????

கேள்விகள் மட்டுமே உள்ளன. பதில் பண முதலைகளிடம் உள்ளது. விழுங்கிய பணத்தை ஏப்பம் விட்டுக் கொண்டு இருப்பதால் விடைக்காக பலர் காத்துக் கொண்டு இருக்கிறார்கள்.

( பின் குறிப்பு : இந்த வருடம் ஆரம்பமே சரியில்லை சார்...!)

சம்பளத்தை குறைத்துக் கொள்ளுங்கள்

பிரபல கார்ப்ரேட் நிறுவனம் ஒரு நடிகனுக்கு பத்து கோடி சம்பளம் கொடுத்து பெரிய அளவில் படம் தயாரிக்கிறார்கள். அந்த படமும் பெரிய வெற்றி படமாக அமைந்து விடுகிறது. அதன் பிறகு அந்த நடிகனின் சம்பளம் பத்து கோடியாக மாறிவிடுகிறது. சிறு தயாரிப்பாளர்கள் அந்த நடிகனிடம் நெருங்க கூட முடியாது. இப்படி ஒவ்வொரு நடிகனின் சம்பளம் கார்ப்பேரட் நிறுவனத்தின் உதவியால் சம்பளம் உயர்வதை பார்த்த சிறு தயாரிப்பாளர்கள் புதுமுகங்களை வைத்து படம் எடுக்கும் சூழ்நிலை வருகிறது. ஒரு சில தயாரிப்பாளர்கள் போட்டி போடாமல் ஒதுங்கி விடுகிறார்கள். சில வருடங்கள் பிறகு அந்த நடிகனை வைத்து தயாரித்த கார்ப்ரேட் நிறுவனத்தின் படங்கள் தோல்வி அடைகின்றன. அந்த கார்ப்ரேட் நிறுவனம் தயாரிப்பு செலவை குறைக்க நடிகனின் சம்பளத்தை குறைக்கிறார்கள். அந்த நடிகன் தன் சம்பளத்தை பத்து கோடியில் இருந்து ஒரு பைசா கூட குறைக்க மனமில்லை. அதனால், அந்த கார்ப்ரேட் நிறுவனம் புதுமுகங்களையும், குறைவாக சம்பளம் வாங்கும் நடிகர்களை வைத்து படம் எடுக்கிறார்கள். எந்த தயாரிப்பாளர்களும் அந்த நடிகனின் சம்பளத்தை பார்த்து அவரை நெருங்குவதில்லை. இனி திரையுலகில் அவர் நீடிக்க வேண்டும் என்றால் அந்த நடிகன் தன் சம்பளத்தை குறைத்தாக வேண்டும். அது தான் அவனுக்கு இருக்கும் ஒரே வழி. இப்போது இருக்கும் மென்பொருள் பொறியியலாளர்களின் நிலைமையும் அதுவே !

மேலே குறிப்பிட்டுள்ள நடிகனின் சம்பளம் ஏற்றமும், இறக்கமும் காலம் காலமாக நடந்துக் கொண்டு தான் இருக்கிறது. ஆனால், மென்பொருள் பொறியியல் வல்லுநர்கள் இப்படி ஒரு வீழ்ச்சியை சந்திப்பது இரண்டாவது முறை. (ஒரு சில இளைய பொறியியலாளர்களுக்கு 2000,2001 ஆண்டில் இப்படி ஒரு வீழ்ச்சி தெரிந்திருக்க வாய்ப்பில்லை). பல கார்ப்ரேட் நிறுவனங்கள் போட்டிப் போட்டுக் கொண்டு இளசுகளுக்கு சம்பளத்தை அதிகமாக கொடுத்தனர். அதிக பணம் வருவதால் கார், வீடு, மனை என்று வங்கி கடன் மூலம் வாங்கிவிட்டனர். இப்பொது இருக்கும் பொருளாதார வீழ்ச்சியால் எந்த நிறுவனத்தாலும் அதிக சம்பளம் கொடுக்க முடியவில்லை. கொடுக்கும் சம்பளத்தில் வங்கி கடன், செல்வுகளுக்கு போதவில்லை. விளைவு... தற்கொலை.

ஐந்து எண்களில் சம்பளத்தை வாங்கியவர் மீண்டும் நிலைமை சீராகும் வரை நான்கு எண்கள் சம்பளத்தை வாங்க தோன்றுவதில்லை. மனம் சிறு குழந்தையை போல் ஐந்து எண்கள் நாடுவதால் ஒவ்வொரு நிறுவனமும் தங்கள் உழியர்களை அனுப்பிவிட்டு குறைவான சம்பளத்தில் குறைந்த தகுதியுள்ளவனை தேர்வு செய்து பயிற்சி கொடுக்கிறார்கள். அனுபவமுள்ள ஒருவனுக்கு கொடுக்க படும் சம்பளத்தை ஆறு புதியவர்களுக்கு சம்பளம் கொடுக்கிறார்கள். இது போன்ற சம்பளங்கள் ஒர் இரு நடிகர்களுக்கு நடக்கும் போது பெரிதாக தெரிவதில்லை. ஆனால், ஒட்டு மொத்த மென்பொருள் துறைக்கே இப்படி ஒரு பாதிப்பு வந்ததால் எல்லோருடைய பார்வையும் இதன் மேல் இருக்கிறது.

இந்திய பொருளாதாரமே சரிவை சந்திக்கும் போது மென்பொருள் பொறியியலாளர்கள் தங்கள் சம்பளத்தை குறைக்கப்படும் சூழ்நிலையில் தள்ளப்படுகிறார்கள். அப்போது தான் அவர்கள் வேலை செய்யும் நிறுவங்கள் இயங்க முடியும். இன்னும் பழைய சம்பளத்தை எதிர்பார்த்தால் ஜெட் ஏர்வே, சதியம், டி.சி.எஸ் என்று உழியர்களை வெளியே அனுப்பும் நிறுவனத்தின் பட்டியலிட வேண்டியது தான்.

சரி ! இன்னும் எனக்கு ஐந்து எண் சம்பளம் வேண்டும் என்று நினைப்பவர்கள் இனிப்பு, சிற்றுண்டி போன்ற கடைகள் வைக்கலாம். கிண்டலாக சொல்லவில்லை. கிருஷ்ணா ஸ்வீட்ஸ், மிட்டாய், அடையார் ஆனந்த பவன் ஆரம்பமே சின்ன இனிப்பு கடைதான். சரவண பவன், அஞ்சப்பர் ஆரம்பம் சிற்றுண்டி தான். இவர்கள் வளர்ச்சி அண்ணா எழுதிய 'ஒர் இரவு' போல் வந்து விடவில்லை. இந்த நிலையை தொட அவர்களுக்கு ஒரு தலைமுறை உழைப்பு தேவைப்பட்டது. இன்று அந்த ஸ்தாபனத்தின் இரண்டவாது, மூன்றாவது தலைமுறையை பார்க்கிறோம்.

அவர்களை போல் களத்தில் இறங்கி கஷ்டப்பட்டு உழைக்க வேண்டும். உங்கள் உழைப்பின் பலனை அடுத்த தலைமுறை அனுபவிக்கட்டும். இந்த தலைமுறையில் நீங்கள் சந்தோஷமாக இருக்க வேண்டும் என்று நினைத்தால் சம்பளத்தை குறைத்து கொள்ள தான் வேண்டும். அதுவும் இல்லை என்றால் மென்பொருள் துறையை விட்டு வெளியே வந்து வேறு துறையில் கொடுக்கும் நியாயமான சம்பளத்தை வாங்கி வாழ்க்கை நடத்த வேண்டியது தான். இந்த அறிவுரை உங்களுக்கு மட்டுமல்ல எனக்கும் தான். நானும் ஐந்து எண்கள் சம்பளம் வாங்கும் (வாங்கிய) மென்பொருள் பொறியியலாளர் தான்.