6174 - க.சுதாகர்

சென்ற புத்தகக் கண்காட்சியில் பெரும்பாலும் நாவல், சிறுகதைகளாக வாங்கினேன். ஆனால், சரித்திரம் சார்ந்த நூல்கள் எழுத வேலையிருந்ததால், அதை சார்ந்த புத்தகங்களை தேடி படிக்க வேண்டியதாக இருந்தது. பல புத்தகங்கள் படிக்க படாமல் இருந்தது.

இந்த புத்தகக் கண்காட்சி முடிவதற்குள் சென்ற புத்தகக் கண்காட்சியில் வாங்கிய புத்தகத்தை படித்ததாக வேண்டும் என்று எடுத்த முதல் புத்தகம் Sudhakar Kasturi யின் 6174.

சுஜாதா இல்லாத குறையை நிறப்பியிருக்கிறார். இதை விட பெரிய வார்த்தை அவரை பாராட்ட எனக்கு கிடைக்கவில்லை. ஆரம்பத்தில் இருந்து இறுதி வரை விறு விறுப்பு. கடைசியில் ஆங்கிலப் பட பாணியில் இரண்டாம் பாகத்திற்கு ஒரு நாட் வைத்து முடித்திருப்பது க்ளாஸ் !!

 ஒரு திரைப்படமாக வரக் கூடிய நாவல் என்று சொல்லலாம்.

பிஸிக்ஸ் பிராட்டிக்கல்ஸில் மனப்பாடம் செய்து எழுதியவர்கள் (என்னை உட்பட) இந்த நாவலில் வரும் விளக்கங்கள் கொஞ்சம் புரிவது கடினம். கிரிஸ்டல், பிரிஸம் என்றாலே அலருபவர்கள் அந்த பகுதியை பெரிதாக எடுத்துக் கொள்ளாமல் படிக்கலாம்.

6174 - எண்ணில் பெருமை சொல்லும் போது வியக்க வைக்கிறது. பல பகுதிகளை படிக்கும் போது “இது உண்மை தானா ?” என்று இணையத்தை தேடுகிறோம்.

சரித்திர நாவல் எழுதுபவர்கள் அதிகமாக தகவல் திரட்டி எழுத வேண்டும். ஆனால், அறிவியல் கதைகளில் ஒரு இரு விஷ்யங்களை வைத்து எழுதிவிடலாம். அறிவியல் நாவலுக்கு சுதாகர் சரித்திர நாவலுக்கு நிகராக உழைத்திருக்கிறார் என்று சொல்லலாம். அதற்கான ஆதாரங்களை பின் இணைப்பாக கொடுக்கப்பட்டிருக்கிறது.

வாழ்த்துக்கள் சுதாகர் !!

இணையத்தில் வாங்க.....